Ռեկտոցելե. izmirlianmedicalcenter.com

Օրեր առաջ Իզմիրլյան ԲԿ-ում իր զեկույց-ներկայացումով հանդես եկավ կոլոպրոկտոլոգիայի բաժանմունքի կլինիկական- օրդինատոր՝ Ռաֆայել Ռևազյանը: Ներկայացնելով ռեկտոցելե հիվանդությունը, կլինիկան և առաջարկվող լուծումները:

Ռեկտոցելե

Ռեկտոցելեն ուղիղ աղիքի պատի դիվերտիկուլանման գոյացություն (արտափքում) է` դեպի հեշտոցի կողմ (առաջային ռեկտոցելե) կամ դեպի պոչուկ-ուղիղաղիքային կապան (հետին ռեկտոցելե), վերջինս հանդիպում է հազվադեպ:

Հիվանդության պատճառագիտությունը.

• ռեկտովագինալ միջնապատի պաթոլոգիկ փոփոխությունները,
• հետանցքը բարձրացնող մկանի առաջային հատվածների հեռացումը,
• կոնքի հատակի մկանա-ջլոնային կառուցվածքի բնածին թուլությունը,
• հաստ աղիքի դիսֆունկցիաները,հիմնականում խրոնիկ փորկապությունների տեսքով,
• հետանցքի սֆինկտերների ֆունկցիաների խանգարում,
• կոնքի հատակի մկանների և ռեկտովագինալ միջնապատի տարիքային դիստրոֆիկ և ատրոֆիկ փոփոխություններ,
• կանանց սեռական օրգանների հիվանդություններ:

Կլինիկան

Հիվանդները ունենում են գանգատներ.

• դժվարացած կղազատում,որը ուղեկցվում է երկարատև ճիգերով.
• ուղիղ աղիքի ոչ լրիվ դատարկում.
• հեշտոցի հետին պատը ձեռքով ուղղելու կարիք, ուղիղ աղիքը դատարկելու համար.
• դիսպարեունիա (սեքսուալ ֆունկցիայի խանգարում):

Կանխարգելում

Ռեկտոցելեի կանխարգելումը խթանող գործոնների վերացումն է:

Ռեկտոցելեի առաջացման գործոններն են.

1. Ծանր ֆիզիկական աշխատանքը. ժամանակակից հետազոտությունները արդեն ապացուցել են ֆիզ. աշխատանքի դերը ռեկտոցելեի առաջացման մեջ.այստեղ կարելի նշել նաև ծանր ֆիզիկական աշխատանք պահանջող սպորտային ձևերը:
   
   
2. Շնչառական ուղիների քրոնիկ հիվանդությունները, քրոնիկ և երկարատև հազերը. հիվանդություններ, որոնք բերում են ներորովայնային ճնշման անընդհատ բարձրացման:
   
   
3. Քրոնիկ փորկապությունները` պայմանավորված երկարատև ջանքերով, հետևաբար նաև ներորովայնային ճնշման բարձրացում:
   
   
4. Ողնաշարի կոնֆիգուրացիոն փոփոխությունները:
   
   
5. Հղիությունը. յուրաքանչյուր հաջորդ հղիությունը մեծացնում է ռեկտոցելեի առաջացման ռիսկը 31%-ով:
   
   
6. Ծննդաբերական բարդ ընթացքը. վիրաբուժական միջամտություններ, սրընթաց ծննդաբերություն, շեքի պատռվածքներ, մեծ պտուղներ:
   
   
7. Հիստերեկտոմիա:
   
   
8. Ճարպակալումը. ապացուցված է, որ մարմնի զանգվածի ինդեքսի 30կգ/մ2-ով ավելացումը, ռեկտոցելեի առաջացման ռիսկը մեծացնում է 40-75%-ով:

Y=M/H2 =մարմնի զանգված(կգ)/հասակ(մ2) =մարմնի ինդեքս

Պետք է նշել, որ կեսարյան հատումն իջեցնում է ռեկտոցելեի առաջացման ռիսկը:

Ծննդաբերությունից հետո առաջանում է կոնքի հատակի մկանների տարանջատում նեյրոմուսկուլյառ դիսֆունկցիայի առաջացումով,որը ունի վերականգնման հատկություն:Այս կապակցությամբ հետծննդաբերական շեքի արտանկման սինդրոմի և ռեկտոցելեի առաջացմանն կանխարգելիչ միջոցներից է հատուկ մարմնամարզությունները,որոնք ամրացնում են կոնքի հատակի մկանները-Կեգելի մարմնամարզություն:

Բուժումը

Ռեկտոցելեով բոլոր հիվանդներին բուժումը պետք է սկսել հաստ աղիքի մոտոր-էվակուատոր ֆունկցիայի կոնսերվատիվ կարգավորումից:

Կոնսերվատիվ թերապիան դիետիկ սխեմա է,որը կիրառվում է ինչպես նախքան, այնպես էլ հետվիրահատական շրջանում:

1. Դիետա. բջջանյութի քանակի շատացում, որի մեջ մտնում է սննդային թեփը, ծովային կաղամբ, կտավատի սերմեր՝ բնական կամ ֆարմակոլոգիական դեղերի ձևով:
2. Օսմոտիկ լուծողական պրեպարատներ
3. Պրոկինետիկներ. ՍԱՏ-ի մոտորիկայի կարգավորում
4. Էուբիոտիկներ. աղիքային ֆլորայի կարգավորում:

Այսպիսով, վիրահատական միջամտության ցուցումներն են.

1. Հիվանդին սուբյեկտիվ անհանգստացնում է հեշտոցի վրա ճնշման ազդեցությունը և գրպանիկի առկայությունը հեշտոցում.
2. Ուղիղ աղիքի դատարկումը կատարվում է ձեռքի օգնությամբ.
3. Բոլոր կոնսերվատիվ կոմպլեքս բուժումները ( լուծողական, դիետա,ֆիզ. վարժություններ և այլն) ապարդյուն էին:

Վիրաբուժական միջամտությունից հետո լավացումը լինում է 95-97% հիվանդների մոտ,վերականգնվում է կոնքի հատակի մկանների ֆունկցիաները և կարգավորվում դեֆեկացիոն ակտը:

Ռեցիդիվ լինում է մոտ 3-5%-ի մոտ:

Հարցեր, պատասխաններ, մեկնաբանություններ